მაჭარაშვილი ეკა - Macharashvili Eka

წერილი

მე ვიცი როგორ მივბაძო წვიმას.
ვიღაცა მიდის მხრებით და ცივა.
. . . . . .
ამბობენ თითქოს დრო სკამზე დასვეს.
ვუყურებ ლანდებს ჩემს ოთახში, შუშის მაგიდას როგორ აწვება ვერხვების ჩრდილი,
როგორ ირთვება ფოთლების კაბა და მიირწევა.
ლამბაქზე კოვზი,
მკლავებზე: ღილებს შესხმული ღამე.
შენ ჩამოჯდები განაპირას და გაყურსული
მკითხავ რამდენი წელი გავიდა.

შენი გამოგზავნილი დრო, კონვერტით სახლში რომ მიდევს.
შენი დაღლილი ხელები მხრებზე
ქუჩიდან რომ ვუყურებ ყოველდღე და ჩემი დადგენილი საზრვრები....
. . . . .
მზისფერი წვიმა.
და წვიმისფერი ცა: ქურთუკით რომ ამომიტანე ეზოდან.
ეს ყველაფერი ერთად შევკარი,
და ფოსტით გამოგიგზავნე.
2006.16.10