დიდხანს გელოდე

დიდხანს გელოდე,თაიგულიც ჩამაჭკნა ხელში,
ცხადია ჩემო,ტკივილისთვის ისევ მიმეტებ,
სულის სიობლეც მომეძალა,მომხარა მხრებში,
ცრემლმა იძალა,შემატოვა სახეს სინესტე.
ვზივარ ეული,ჩემს გარშემო ტირის ბუნება,
ქარიშხალს ერთვის ჩემი ფიქრიც,ტკივილით სავსე,
ღმერთო შემინდე,მომრევია ეშმას ცდუნება,
დედამიწაზე ყოფნის თასი ნუთუ გავავსე?!
ზღვის ტალღებივით ბობოქრობენ შავი ღრუბლები,
ამღვრეულ თვალებს ელანდება შენი აჩრდილი,
რაც უნდა მეთქვა,აქ ვერ შევძელ,ვერ გეუბნები-
ზეციდან გეტყვი,შენგან გულში ბევრჯერ დაჭრილი...