კარგმა ქალმა ამოღებული ხმალი ჩააგებინა ქმარს ქარქაშში, ავმა ქალმა შენხული ხმალი ამოაღებინაო.

ავმა ქალმა ავი სიტყვა თქვა და გული დაიმშვიდაო.
ავმა ქალმა თქვა: ავად გავხდები, ავი სიტყვა რომ არ ვთქვაო.
ავმა ქალმა კარგი ქალი ავად მოიხსენიაო.
ავი ქალი ქმარსაც გააავებს და ძაღლსაცო.

ღმერთი ვისაც მისცემს, ორივე ხელით მისცემს, ვისაც წაართმევს-ორივე ხელით წაართმევს.

ღმერთს ყველა ერთნაირად უყვარს, მაგრამ ღმერთი არ უყვარს ყველას ერთნაირად.
ღმერთის ეშინოდა, მაგრამ ღმერთის არსებობის არ სჯეროდაო.

ას ძმას ასი ცხვარი ბევრი ეგონაო.

ადამიანს ასჯერ რომ გაუკეთო სიკეთე და ერთხელ ბოროტება,ჩათვალე რომ მისთვის არასოდეს გაგიკეთებია სიკეთე.
ათ ძმას ასი ხინკალი ბევრი ეგონაო.

თევზმა თქვა: სათქმელი ბევრი მაქვს, მაგრამ პირი წყლით მაქვს სავსეო.

ქართველებმა თქვეს: სათქმელიც ბევრი გვაქვს, საფიქრალიც და გასაკეთებელიცო.

დედ-მამის წინ მარბენალ კვიცს, ან მგელი შეჭამს ან მგლის ფერი ძაღლიო.

ქვეყნის მაგინებელი ქვეყნიდან გარბოდაო.

ადრე ამდარსა კურდღელსა,ვერ დაეწევა მწევარი.

ახალ გამომცხვარ მჭადსაო,ბატონიც კარგად ჭამსაო.
თუკი აამღვრევ ჭასაო,ვეღარა მოზელ მჭადსაო.

უძაღლო ქვეყანაში კატებს აყეფებდნენო.

უიღბლოს იღბალი ეძებდაო.

უხეირო ხელოსანი, უხეირო ნაკეთებს უხეირო იარაღს დააბრალებსო.

უნიათო უნიათოს უნიათოს ეძახდაო.

უჯიშო ცხენსო, ნუ აჭმევ ბევრსო.

მდიდარი და ტრაბახაო, გაასუქა ყაბახმაო.

მდიდარი თავისი წუწუნით საწყალ კაცს თავის სიღარიბეს დაავიწყებსო.

მდიდარს სხვაზე მეტი აქვს, მაგრამ სხვისი ცოტა ეხარბებაო.

მეზობელო კარისაო, სინათლე ხარ თვალისაო.

"ვისაც დიდი სიყვარული შეუძლია, იმან დარდიც დიდი იცის."

1 .თუ ჯოჯოხეთს გადიხართ – იარეთ შეუჩერებლად.

2. გყავს მტრები? კარგია. ესე იგი, შენს ცხოვრებაში ოდესმე რაღაცისთვის გიბრძოლია.

3. ნებისმიერი კრიზისი – ახალი შესაძლებლობებია.

ჯოჯოხეთს ერთი მუგუზალი აკლდა და ისიც შეემატაო.

საფლავზე მომტირალი მკვდარს ადანაშაულებდაო.
საფლავზე ლოთებმა წაიჩხუნენ, მიცვალებული ჩემს მოსაგონარს უფრო ისმენს, ვიდრე შენსასო.
საფლავში გვამიო, საფლავზე ჯვარიო.